ስርዓት ህግደፍ ካብቲ ግፍዓዊ ኣታሓሕዝኡ ኣምሊጦም ናብ ፖርት ሱዳን ዝኣተው መንእሰያት ናብ ካርቱም ከነብጻሓኩም ብምባል ንዝተወሰኑ መንእሰያት ጬውዩ ናብ ኤርትራ ከምዝወሰዶም ካብቲ ቦታ ዝመጹ ሓበሪታታት የረጋግጹ:: እዚ ከምዚ ኢሉ ኸሎ ስርዓት ህግደፍ ኣብዚ ጌዚ እዚ ምስ መንግስቲ ሱዳን ብዛዕባ ምኽፋት ዶባት ክልቲኡ ሃገራት ዝዛረብ ዘሎ ነቲ ካብ መዓልቲ ናብ መዓልቲ እንዳወሰኸ ዝመጽእ ዘሎ ምውሓዝ መንእሰያት ንምግታእን ንምቁጽጻሩ ክጥዕሞን ደኣ እምበር እቶም ቐንዲ ፖሎቲካዊ ጠንቕታት ምስሕሓብ ዝኾኑ ጉዳያት መሰረታዊ ለውጢ ስለዝገበረ ከምዘይኮነ ተንተንቲ ፖሎቲካ እቲ ዞባ ይሕብሩ:: እግረመንገድና ንኹሎም ኤርትራውያን ኣብ ሱዳን ብፍላይ ከኣ ኣብ ከባቢ ፖርትሱዳንን ከሰላን ዝርከቡ ናብ ካርቱም ንምስጋር ኣብ ዝገብርዎ ፈተነታት ካብ መፈንጥራ ናይቲ ስርዓት ክጥንቀቑ ንጽውዕ::
No comments:
Post a Comment